«Бавария» жорий мавсумда Бундеслига ўйинлари давомида ҳисобда орқада бориб, якунда жами 29 очко жамғаришга муваффақ бўлди.

Мюнхен клуби бу борада «Байер» томонидан 1999/00 йилги мавсумда ўрнатилган лига рекордини такрорлади. Бугун Венсан Компани шогирдлари Германия чемпионатининг 32-турида «Хайденхайм» билан дуранг ўйнади (3:3). Жамоа иккинчи бўлимга қўшиб берилган 10-дақиқада Майкл Олисе томонидан киритилган гол эвазига мағлубиятдан қутулиб қолди.

Эслатиб ўтамиз, «Бавария» жорий мавсумда Германия чемпионлигини аллақачон нақд қилиб қўйган — клуб ҳисобида 83 очко бор.