«Ювентус» бош мураббийи Лучано Спаллетти «Верона»га қарши ўйин олдидан матбуот анжуманида иштирок этди. Италия чемпионатининг 35-тури доирасидаги мазкур баҳс 3 май куни Тошкент вақти билан соат 21:00 да старт олади.
Спаллетти Чемпионлар лигаси йўлланмасини берувчи тўртинчи ўрин нафақат рақамлар, балки тўғри руҳият масаласи эканини таъкидлади.
«Биз бунга ҳозир ва келажакдаги доимий муҳитимиз сифатида қарашимиз керак. Фақат шу йўл билангина ўсишга эриша оламиз», — дея мутахассиснинг сўзларидан иқтибос келтирмоқда манба.
«Верона» аллақачон А Серияни тарк этган бўлса-да, Спаллетти жамоа рақибга қарши бор масъулият билан тайёргарлик кўришини қайд этди:
«Биз аъло даражадаги спорт формасидамиз, чунки нимага эришишимиз кераклигини яхши биламиз».
Айни дамда «Ювентус» 64 очко билан тўртинчи ўринни эгаллаб турибди. «Верона» эса 19 очко билан 19-поғонадан жой олган.
