«Бавария» бош мураббийи Венсан Компани Бундеслиганинг 32-турида «Хайденхайм» билан қайд этилган дуранг (3:3) ҳақида ўз фикрларини билдириб ўтди.
«Биз доимо рақибни ҳурмат қилишимиз лозим. Лигада жон сақлаб қолиш учун кураш баъзида жамоаларга катта куч бағишлайди.
Биринчи бўлим «Хайденхайм» учун яхши кечди, биз учун эса йўқ. Тушунаман, ҳамма нарса доим ҳам идеал бўлавермайди, лекин қайта-қайта ҳисобни тенглаштиришга куч топа олганимиз — бу ўз-ўзидан бўладиган оддий ҳолат эмас.
Энди бу ўйин ўтмишда қолди, барча футболчилар сафда. Биз айнан шуни истаган эдик. Энди бор эътиборимизни чоршанба кунги [«ПСЖ»га қарши] учрашувга қаратишимиз мумкин», — деди Компани.
