«Марсель» ҳужумчиси Мэйсон Гринвуд Европанинг учта гранд клуби қизиқишлар доирасига тушди. Журналист Экрем Конурнинг хабар беришича, 24 ёшли футболчини ўз сафига қўшиб олишга «ПСЖ», «Ювентус» ва Мадриднинг «Атлетико» клублари даъвогарлик қилмоқда.
«Провансалликлар» инглиз футболчисининг сотувидан тахминан 80-90 миллион евро ишлаб олишни режалаштиришмоқда, бироқ ушбу сумманинг ярми ҳужумчининг жонажон клуби — «Манчестер Юнайтед»га тегади.
Гринвуд жорий мавсумда «Марсель» либосида барча турнирларда 43 та ўйинда майдонга тушиб, 25 та гол ва 10 та голли узатмага муаллифлик қилди. Мэйсоннинг француз клуби билан тузган меҳнат шартномаси 2029 йилга қадар амал қилади.
