«Бавария» ғалаба қозона олмаган бўлса-да, навбатдаги сермаҳсул ўйинни ўтказди — «Хайденхайм» билан баҳсда 3:3 ҳисобидаги дуранг қайд этилди. Венсан Компани жамоаси ҳисобида Бундеслиганинг жорий мавсумида киритилган голлар сони 116 тага етди. Бу билан мюнхенликлар «Барселона»нинг 2016/17 йилги мавсумда ўрнатган клуб рекордини такрорлашди.

Кучли бешликка кирувчи топ-чемпионатлар тарихида бир мавсум доирасида бундан кўп голни фақат «Милан» (118), Мадриднинг «Реал» клуби (икки бор — 118 ва 121) ҳамда «Торино» (125) жамоалари киритган, холос. «Бавария»да ушбу кўрсаткични яхшилаш учун яна иккита ўйин бор. Таъкидлаш жоизки, тарихдаги энг сермаҳсул жамоалар рейтингидан жой олган қолган барча клублар камида 38 та ўйин ўтказишган, Бундеслигада эса атиги 34 та тур мавжуд.