«Интер Майами» ҳужумчиси Лионель Месси ҳозирги жамоаси сафида юзинчи ўйинини ўтказди. Аргентиналик юлдуз ўзининг юбилей баҳсини МЛС доирасидаги «Орландо Сити»га қарши ўйинда гол ва голли узатма билан нишонлади, бироқ «фламинголар» 3:0 ҳисобида олдинда бориб, якунда имкониятни бой беришди (3:4).
38 ёшли футболчи «Интер Майами» либосидаги 100 та учрашувда 86 та гол ва 45 та голли узатмани ўз ҳисобига ёздириб қўйди.
Эслатиб ўтамиз, Лионель Месси Флорида жамоаси сафига 2023 йилнинг ёзида «ПСЖ»дан эркин агент сифатида келиб қўшилган эди. Жорий мавсумда ҳужумчи «Интер Майами» сафида барча турнирларда 12 та ўйинда майдонга тушиб, 9 та гол урди ва бир бор ассистентлик қилди.
