«Бавария»нинг «Хайденхайм» билан 3:3 ҳисобида якунланган баҳсидан сўнг, мюнхенликларнинг икки футболчиси навбатдаги муҳим ўйин ҳақида ўз фикрларини билдиришди. 6 май куни Венсан Компани шогирдлари Чемпионлар лигаси ярим финали доирасида «ПСЖ»га қарши жавоб учрашувини ўтказишади.
«Ҳамма чоршанба кунги баҳсда майдонга тушишни қанчалик истаётгани кўриниб турибди. Биз ўйинни интиқлик билан кутяпмиз ва финалга чиқишни истаймиз», — дея ярим ҳимоячи Леон Горецканинг сўзларини келтирмоқда DAZN.
«Биз "Реал" билан ўйинда мухлислар жамоани биринчи дақиқадан охиригача қандай қўллаб-қувватлаганини кўрдик. Ишончим комилки, чоршанба куни "Альянц Арена"да ҳақиқий "жазирама" бўлади», — деди дарвозабон Йонас Урбиг.
Дастлабки учрашувда «Бавария» 4:5 ҳисобида имкониятни бой берган эди.
