«Манчестер Сити» бош мураббийи Хосеп Гвардиола ярим ҳимоячи Бернарду Силва ва Жон Стоунснинг тез орада клубни тарк этиши ҳақида фикр билдирди. Яқинда «шаҳарликлар» португалиялик ва англиялик футболчиларнинг муддати тугаётган шартномалари узайтирилмаслигини расман тасдиқлади — улар мавсум якунлангач, эркин агентга айланишади.

«Менимча, расмий эълондан кейин ҳар икки футболчи ҳам енгиллик ҳис қилмоқда. Мен Жондан: "Ўзингни қандай ҳис қиляпсан?" деб сўрадим. У эса: "Ҳаммаси яхши, енгилликни ва мухлисларнинг меҳрини ҳис қиляпман", деб жавоб берди. Мен улар ғалаба қозонишни қанчалик яхши кўришларини биламан. Машғулотларда кўряпманки, Бернарду кетиши эълон қилинганидан кейин ҳам ўзини худди аввалгидек тутмоқда. Уларнинг муносабати ўзгаргани йўқ», — деди Гвардиола матбуот анжуманида.

Эслатиб ўтамиз, бугун Тошкент вақти билан соат 00:00 да «Сити» сафарда «Эвертон»га қарши баҳс олиб боради.