Мадриднинг «Реал» клуби айни дамда ижара асосида Франциянинг «Лион» жамоасида тўп сураётган бразилиялик ҳужумчи Эндрикни сотиб юбормоқчи эмас. Бу ҳақда Teamtalk журналистлари хабар бермоқда.
Манбага кўра, «қироллик клуби» Лондоннинг «Арсенал» ва «Челси» жамоаларига 19 ёшли футболчи билан хайрлашиш ниятида эмаслигини маълум қилган.
«Қаймоқранглилар» раҳбарияти Эндрикка узоқ муддатли истиқболда ишонч билдирмоқда. Бразилиялик ҳужумчи ва «тўқувчилар» ўртасидаги ижара шартномаси 2026 йилнинг июнь ойи охирида якунига етади. Ҳужумчининг трансфер қиймати 35 миллион еврога баҳоланмоқда.













