«Ливерпуль» ярим ҳимоячиси Доминик Собослаи «Манчестер Юнайтед»га қарши бой берилган баҳс (2:3) ҳақидаги фикрлари билан ўртоқлашди.
«Ҳиссиётларим у қадар яхши эмас, чунки уйга ноль очко билан қайтяпмиз. Биринчи бўлимдан кейин хурсанд бўлишга умуман асосимиз йўқ эди. Ушбу учрашувдан фақат иккинчи бўлим бошидаги ўйинимизни ўрнак сифатида олиш мумкин, чунки айнан ўша ерда аслида ким эканлигимизни кўрсатдик», — дея футболчининг сўзларини келтирмоқда Sky Sports.
«Ўйиндан олдин стандарт вазиятлар ҳақида гаплашгандик, лекин айнан стандартдан гол ўтказиб юбордик. Шунингдек, қарши ҳужумлардан эҳтиёт бўлиш кераклигини айтгандик, иккинчи гол эса қарши ҳужум натижасида содир бўлди. Биз диққатни кўпроқ жамлашимиз керак. Умид қиламанки, якунда омад биз томонда бўлади».
Келаси мавсум ҳақидаги саволга футболчи шундай жавоб берди:
«Биринчи навбатда, мен диққатимни келаси мавсумга қаратганим йўқ. Бор эътиборим қолган учта ўйинда, чунки ҳали эришишимиз керак бўлган нарсалар кўп. Биз Чемпионлар лигасида ўйнашни хоҳлаймиз».
Айни дамда Арне Слот шогирдлари 58 очко билан тўртинчи ўринда боришмоқда. Захирасида битта ўйини бор «Астон Вилла» ҳисобида ҳам шунча очко мавжуд.
