Кристиан Киву италиялик мураббийларнинг чемпионлик сериясига чек қўйди. Руминиялик мутахассис «Интер»ни клуб тарихидаги 21-скудетто сари етаклаб келди.
Киву Жозе Моуриньо давридан бери Италия чемпионатида ғолиб чиққан илк хорижлик мураббийга айланди. Португалиялик мутахассис 2009 ва 2010 йилларда айнан «Интер» билан А Серияда зафар қучган бўлиб, ўша вақтда Кристиан унинг қўл остида ҳимоячи сифатида тўп сурган.
Моуриньодан кейин фақат италиялик мураббийлар чемпионликни қўлга киритиб келаётган эди: Массимилиано Аллегри, Антонио Конте, Маурицио Сарри, Стефано Пиоли, Лучано Спаллетти ва Симоне Индзаги.
