«Ювентус» мухлислари «Верона»га қарши баҳсда Жонатан Дэвиднинг кўрсатган ўйинидан норози эканликларини билдиришди.
Ҳужумчи А Сериянинг 35-туридан ўрин олган учрашувни асосий таркибда бошлади, бироқ майдонда ўтказган 69 дақиқаси давомида бирорта самарали ҳаракатни амалга ошира олмади. У захирага олинаётган вақтда трибунадаги мухлислар футболчини ҳуштакбозлик билан кузатиб қўйишди.
Канадалик футболчи 2025 йилнинг ёзида эркин агент сифатида Турин клуби билан шартнома имзолаган эди. У Италия чемпионатининг жорий мавсумида 33 та ўйинда майдонга тушиб, 6 та гол ва 4 та голли узатмага муаллифлик қилди.
