«ПСЖ» раҳбарияти ёзги трансфер ойнаси олдидан ҳужумкор ярим ҳимоячи Рандаль Коло Муанининг тақдирини ҳал қилди.

Парижликлар бош мураббийи Луис Энрике Франция терма жамоаси аъзосини ўз режаларига киритмаган ва унга жамоанинг узоқ муддатли лойиҳаларида ўрин йўқлигини маълум қилган. Бу ҳақда инсайдер Николо Скира ўзининг Х ижтимоий тармоғидаги саҳифасида хабар бермоқда.

27 ёшли футболчи ҳозирда ижара асосида «Тоттенхэм»да тўп сурмоқда. У жорий мавсумда 37 та ўйинда майдонга тушиб, 5 та гол урди ва 4 та голли узатмани амалга оширди. Коло Муанининг инглиз клуби билан ижара шартномаси шу ёзда якунига етади ва у Парижга қайтиши кутилмоқда. Бироқ «ПСЖ» раҳбарияти футболчи билан бутунлай хайрлашиш ниятида ва келаётган таклифларни кўриб чиқишга тайёр.

Футболчининг трансфер нархи тахминан 40 миллион еврога баҳоланмоқда. «ПСЖ» бўлажак трансфер ойнасида ушбу сумма бўйича аниқ таклифларни кутади.