Лондоннинг «Арсенал» клуби ярим ҳимоячиси Букайо Сака Мадриднинг «Атлетико» жамоасига қарши бўлиб ўтадиган Чемпионлар лигаси ярим финал жавоб учрашуви олдидан ажойиб спорт формасида эканини намойиш этмоқда. Бу ҳақда унинг жамоадоши, «тўпчилар» ҳужумчиси Виктор Дьёкереш маълум қилди.
«Менимча, шанба кунги ўйинда у жуда мазмунли ҳаракат қилди. Мен ва жамоанинг бошқа аъзолари уни майдонда ўзининг одатий ва юқори спорт формасида кўриб турганимиздан жуда хурсандмиз», — дея футболчининг сўзларидан иқтибос келтиради УЕФА матбуот хизмати.
Эслатиб ўтамиз, Мадридда ўтган дастлабки баҳс 1:1 ҳисобидаги дуранг билан якунланган эди. Жавоб учрашуви 5 май куни Тошкент вақти билан соат 00:00 да бошланади.
