Гельзенкирхеннинг «Шальке» клуби 40 ёшли марказий ҳужумчи Эдин Жеко борасидаги режаларини белгилаб олди. Бу ҳақда инсайдер Николо Скира ижтимоий тармоқлар орқали хабар берди.

Журналистнинг маълумотига кўра, Бундеслигага қайтишни муддатидан олдин таъминлаган немис клуби босниялик фахрийни кейинги мавсум учун ҳам жамоада сақлаб қолишга қарор қилган. «Кобальт ранглилар» футболчи билан ҳамкорликни 2027 йилнинг ёзига қадар узайтиришни истамоқда.

Жеко жамоага 2026 йилнинг январь ойида келиб қўшилган эди. Жорий мавсумда ҳужумчи 6 та учрашувда иштирок этиб, ўз ҳисобига 6 та гол ва 3 та голли узатмани ёздириб қўйишга улгурди. «Шальке» мавсум якунланишига икки тур қолганда Иккинчи Бундеслига жадвалида пешқадамлик қилмоқда ва энг яқин таъқибчисини 8 очкога ортда қолдирган.