«Барселона» ҳимоячиси Жюль Кунде фаолиятини Англия Премьер-лигасида давом эттириши мумкин. Бу ҳақда Испаниянинг Mundo Deportivo нашри хабар бермоқда.
Манбага кўра, «Ливерпуль» клуби ўнг қанот ҳимояси тизимини мустаҳкамлаш мақсадида франциялик футболчини асосий нишон сифатида белгилаган. Мерсисайдликлар ушбу трансферни амалга ошириш учун «сезиларли даражада катта сумма» тўлашга тайёр эканликларини билдиришган.
Ўз навбатида, молиявий қийинчиликларни бошдан кечираётган «Барселона» раҳбарияти ҳам Кунденинг сотилишини истисно этмаяпти. Агар инглиз клубидан манфаатли таклиф тушса, каталонияликлар 25 ёшли ҳимоячи билан хайрлашишга рози бўлишлари мумкин.
