«Барселона»нинг польшалик дарвозабони Войцех Шеснининг клубдаги келажаги борасида маълумотлар пайдо бўлди. Журналист Рожер Тореллонинг хабар беришича, Шесни «Барселона»да қолишга қарор қилган.

Таъкидланишича, дарвозабон бошқа бир топ-клубнинг таклифини рад этган. Ўша жамоада унга асосий таркибдан кафолатланган жой ваъда қилинган эди. Бироқ Шесни учун Барселонадаги барқарорлик ва оилавий ҳаёт каттароқ маош ҳамда доимий ўйин амалиётидан муҳимроқ экани айтилмоқда.

Шесни 2024 йилнинг кузида «Барселона» аъзосига айланган эди. Ўшандан бери дарвозабон барча турнирларда 40 та ўйинда майдонга тушиб, ўз дарвозасидан 53 та тўп олиб чиқди ва 14 та учрашувда «қуруқ» ўйин ўтказишга муваффақ бўлди. Унинг каталонияликлар билан амалдаги шартномаси 2027 йилнинг ўрталарига қадар мўлжалланган.