«Милан» ҳужумчиси Рафаэл Леау фаолиятини Англияда давом эттиришга яқин турибди. Португалиялик футболчини ўз сафига қўшиб олиш вариантини АПЛнинг бир йўла учта топ-клуби — «Челси», «Арсенал» ва «Манчестер Юнайтед» кўриб чиқмоқда.
The Hard Tackle нашрининг таъкидлашича, Леаунинг агентлари унинг номзодини АПЛ клубларига ўзлари таклиф қилишган. «Милан» 50 миллион евро атрофидаги таклифларни кўриб чиқишга тайёр. Бу эса Леауни трансфер бозоридаги энг ҳамёнбоп юқори даражали ҳужумчилардан бирига айлантиради. Шу билан бирга, «россонерилар» футболчи билан шартномани узайтириш бўйича музокараларни ҳам давом эттирмоқда.
Қайд этилишича, Британия грандлари ҳозирча «Милан» ҳужумчиси бўйича расмий таклиф билан чиқишмаган. Бироқ улар трансфер имкониятларини фаол равишда ўрганишмоқда.
