«Milan» hujumchisi Rafael Leau faoliyatini Angliyada davom ettirishga yaqin turibdi. Portugaliyalik futbolchini o‘z safiga qo‘shib olish variantini APLning bir yo‘la uchta top-klubi — «Chelsi», «Arsenal» va «Manchester Yunayted» ko‘rib chiqmoqda.

The Hard Tackle nashrining ta’kidlashicha, Leauning agentlari uning nomzodini APL klublariga o‘zlari taklif qilishgan. «Milan» 50 million yevro atrofidagi takliflarni ko‘rib chiqishga tayyor. Bu esa Leauni transfer bozoridagi eng hamyonbop yuqori darajali hujumchilardan biriga aylantiradi. Shu bilan birga, «rossonerilar» futbolchi bilan shartnomani uzaytirish bo‘yicha muzokaralarni ham davom ettirmoqda.

Qayd etilishicha, Britaniya grandlari hozircha «Milan» hujumchisi bo‘yicha rasmiy taklif bilan chiqishmagan. Biroq ular transfer imkoniyatlarini faol ravishda o‘rganishmoqda.