Лондоннинг «Арсенал» клуби вингери Букайо Сака Чемпионлар лигаси финалида қайси рақиб билан тўқнаш келишни афзал кўриши ҳақидаги саволга жавоб берди. Сешанба куни «канонирлар» Мадриднинг «Атлетико» жамоаси устидан ғалаба қозониб, илк финалчига айланишди. Иккинчи йўлланма эса чоршанба куни «Бавария» ва «ПСЖ» ўртасидаги баҳсда ўйналади.
— Финалда ким билан тўқнаш келишни истаган бўлардинг? — дея Майка Ричардс CBS Sports студиясида Сакага савол берди.
— Сиз мендан буни сўрай олмайсиз! Биласиз-ку, мен барибир қолипдаги (стандарт) жавобни беришга мажбурман. Лекин қалбимизнинг туб-тубида ким билан ўйнашни истаётганимизни ўзингиз яхши биласиз... Бу мен айта оладиган бор гап, — дея жавоб қайтарди ярим финал жавоб учрашувида ягона гол муаллифи бўлган Букайо.
