Лондоннинг «Арсенал» клуби дарвозабони Давид Райя жамоанинг жорий мавсумдаги муваффақиятлари омиллари ҳақида тўхталди. Сешанба куни «канонирлар» ўз майдонларида бўлиб ўтган жавоб учрашувидаги ғалаба (1:0) эвазига Мадриднинг «Атлетико» жамоасини мағлуб этиб, Чемпионлар лигаси финалига йўл олдилар.
«Ўйлашимча, гап жипсликда. Мен доим айтганман: бу шунчаки клуб эмас, балки ҳақиқий оила. Биз ҳаммамиз бир-биримизни қўллаб-қувватлаймиз. Агар кимдадир нимадир ўхшамаса, бошқалар бунинг ўрнини тўлдиришга ҳаракат қилади. Менимча, айнан бирдамлик ва ўзаро далда бизни ҳозирги даражамизга олиб чиқди. Майдонда қандай қилиб бир-биримиз учун курашаётганимизни ҳамма кўриб турибди», — деди Райя ўйиндан кейинги интервьюсида.
