«Сантос» клубининг 18 ёшли вингери Робиньо Жуниор Неймар билан боғлиқ шов-шувли воқеа ҳақида сўзлаб берди. Эслатиб ўтамиз, 34 ёшли футболчи машғулот пайтида ёш жамоадоши уни дриблинг билан алдаб ўтганидан ғазабланган эди. Футболчилар тортишиб қолишган ва Неймар ҳатто Робиньога тарсаки туширган.

«Бу менга оғир ботди, чунки Неймар болалигимдаги кумирим. У мен учун доим қадрли бўлган. Саккиз ёшлигимда у менга футболка совға қилганди ва мен уни ҳалигача сақлайман. Вазият назоратдан чиқиб кетди. У ўз хатосини тан олди ва узр сўради. Биз гаплашиб олдик, энди ҳаммаси жойида.

Клуб устидан берилган даъво аризаси мен ва агентларим томонидан ғазаб устида қилинган иш эди — бу ўйлаб қилинган қарор эмас, балки ҳиссиётлар эди. Икки марта ўйлаб кўришим керак эди. Ҳаммамиз хато қиламиз. Бу шунчаки бир тарсаки, лекин у бир неча бор узр сўради ва мен буни қабул қилдим. Неймар ҳам худди биз каби инсон», — дея Робиньо Жуниорнинг сўзларини келтиради The Touchline.

Маълумот учун, чоршанба куни Неймар «Реколета»га қарши ўйинда (1:1) гол муаллифига айланди.