«Бенфика» бош мураббийи Жозе Моуриньо катта эҳтимол билан «Реал»га қайтади. Журналист Рамон Альварес де Моннинг маълумотига кўра, португалиялик мутахассис «қаймоқранглилар» раҳбариятига Мадрид клубига ўз мураббийлар штабини, жумладан, Антонио Пинтуснинг ўрнига ўзининг жисмоний тайёргарлик бўйича мураббийини олиб келиш истагини билдирган.
Моуриньо «Реал» футболчилари сўнгги икки мавсумда олган 120 та жароҳатдан, шунингдек, жамоанинг жисмоний тайёргарлиги паст даражада эканлигидан хабардор. Чунки Мадрид клуби ўйинчилари аксарият ҳолларда учрашув давомида рақибларига қараганда камроқ масофани босиб ўтмоқда. Португалиялик мутахассис «Реал»даги ушбу инқирозга чек қўймоқчи.
