Ҳужумкор ярим ҳимоячи Флориан Вирц чоршанба куни «Ливерпуль»нинг умумий гуруҳ машғулотларида иштирок этмади. Бу ҳақда Sky Sports News нашрига таяниб The Touchline хабар бермоқда.
Эслатиб ўтамиз, «Манчестер Юнайтед»га қарши кечган сўнгги ўйинда (2:3) Вирц майдонда тўлиқ 90 дақиқа ҳаракат қилган эди.
«Ливерпуль» навбатдаги учрашувини шанба куни, 9 май куни ўз майдонида «Челси»га қарши ўтказади. Ўйин Тошкент вақти билан 16:30 да бошланиши режалаштирилган.
Маълумот учун, Флориан Вирц «Ливерпуль» сафида жами 47 та ўйинда майдонга тушиб, ўз ҳисобига 7 та гол ва 10 та голли узатмани ёздириб қўйган.
