«Аякс» вингери Мика Годтс фаолиятини топ-клубда давом эттириши мумкин. Журналист Лентин Гудейкнинг маълумотларига кўра, 20 ёшли футболчини сотиб олишга «Манчестер Сити» қизиқиш билдирмоқда.
Бироқ, Нидерландия клуби бельгиялик футболчисининг сотуви учун катта маблағ талаб қилади. Бундан ташқари, Годтсга «Арсенал», «Челси», «Манчестер Юнайтед», «Барселона» ва «Бавария» каби бошқа гранд клублар ҳам даъвогарлик қилмоқда.
Мика Годтс 2023 йилда «Генк»дан «Аякс»га ўтган эди. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда бельгиялик футболчи «Аякс» сафида барча турнирларда 40 та ўйинда майдонга тушиб, 17 та гол урди ва 14 та голли узатмани амалга оширди. Transfermarkt портали Годтснинг қийматини 25 миллион еврога баҳоламоқда.
