«ПСЖ» Килиан Мбаппе кетганидан кейинги ҳар икки мавсумда ҳам Чемпионлар лигаси финалигача етиб борди.
Луис Энрике шогирдлари ярим финалда икки ўйин натижасига кўра «Бавария»дан устун келишди (5:4, 1:1). Ўтган мавсумда парижликлар финалда «Интер»ни йирик (5:0) ҳисобда мағлуб этиб, турнир ғолибига айланишган, шунингдек, Франция чемпиони ва Кубоги соҳиби бўлишган эди.
Қайд этиш жоизки, 2024 йилнинг ёзида Мбаппе билан шартнома имзолаган «Реал» икки мавсум давомида бирорта йирик совринни қўлга кирита олмади. Охирги икки Чемпионлар лигасида мадридликлар 1/4 финал босқичидаёқ мусобақани тарк этишди.
