Нассер Ал-Хелайфий «ПСЖ»нинг кетма-кет иккинчи бор Чемпионлар лигаси финалига чиққанига изоҳ берди.
«Бу ажойиб. Иккита финал… Биз иккинчи юлдузни қўлга киритишни истаймиз. Бизда шунчаки ўйинчилар эмас — жангчилар бор. Жамоамиз жуда ҳам жипслашган.
«Бавария» — кучли футболчиларга эга катта жамоа. Бу биз учун ҳайратланарли ўйин бўлди. Ўтган йили биз бу ерда тарих ёзган эдик ва «ПСЖ» тарихини яратишда давом этмоқчимиз. Мақсадимиз — иккинчи бор ғолиб бўлиш.
Асосий юлдуз — бутун жамоа. Ҳамма курашишни хоҳлайди. Футбол дегани мана шу, «ПСЖ» дегани мана шу. Тўлқинланиб кетяпман. Бизда дунёнинг энг яхши мураббийи ва энг зўр мухлислари бор. Бугун оқшом фақат бизнинг ишқибозларимиз овози эшитилди. Улар — энг зўри», — деди Франция клуби президенти Canal+ телеканали эфирида.
