«ПСЖ» ярим ҳимоячиси Фабиан Руис Чемпионлар лигаси финалига чиққанларидан кейин ўз таассуротлари билан ўртоқлашди. Луис Энрике жамоаси «Бавария» тўсиғидан ўтди — Мюнхендаги 1:1 ҳисобидаги дуранг финал учун кифоя қилди. Парижда кечган дастлабки учрашувда француз клуби 5:4 ҳисобида ғалаба қозонган эди.

«Юқори даражадаги жамоага қарши ажойиб ўйин ўтказдик. Биз жуда мамнунмиз. «Бавария» билан унинг майдонида мана шундай ўйин кўрсатиш — катта натижа. Ишлашда давом этишимиз керак. Чемпионлар лигасидаги кетма-кет иккинчи ғалабамизгача атиги бир қадам қолди. Финалда осон бўлмайди», — деди Руис PSGTV га берган интервьюсида.