«Комо» спорт директори Карлос Альберто Луди жамоа ярим ҳимоячи Николас Пасни ўз сафида сақлаб қолмоқчи эканлигини маълум қилди.

«Биз Нико Пасни яна бир мавсумга қолдирмоқчимиз. Тез орада бу борада «Реал» билан музокара ўтказамиз», — деди Луди Corriere dello Sport нашрига берган интервьюсида.

Эслатиб ўтамиз, «Реал» Мадрид Николас Пасни қайта сотиб олиш ниятида — клублар ўртасидаги келишувда бундай банд мавжуд. Аргентиналик футболчи 2024 йилда «Реал»дан «Комо»га 6 миллион евро эвазига ўтган эди. Унинг амалдаги шартномаси 2028 йилнинг 30 июнигача мўлжалланган.

Жорий мавсумда ярим ҳимоячи Италия клуби сафида барча турнирларда 39 та ўйинда майдонга тушиб, 13 та гол урди ва 8 та голли узатмани амалга оширди.