«Манчестер Юнайтед» собиқ ҳужумчиси Димитар Бербатов Майкл Кэррикнинг жамоада доимий бош мураббий сифатида қолиши кераклиги ҳақидаги саволга жавоб берди.
«Ҳа. Ҳатто кутганимиздан ҳам кўпроқ. Жамоа Чемпионлар лигасига йўлланмани қўлга киритди. Жамоа очиқ, ҳужумкор футбол ўйнаяпти ва голлар урмоқда. Тўғри, ҳали қилиниши керак бўлган ишлар бор, бу аниқ. Бироқ жамоанинг барча муаммолар билан қаерда бўлгани ва ҳозир қандай яхшиланганига бир қаранг. Агар кимдан сўрасангиз, 99 фоиз одам Кэррик «Манчестер Юнайтед»да қолиши кераклигини айтади. Мен учун бу борада ўйлаб ўтиришнинг ҳожати йўқ – у қолиши керак», — деди Бербатов Sky Sports нашрига берган интервьюсида.
Айни дамда «Манчестер Юнайтед» АПЛ турнир жадвалида 35 турдан сўнг 64 очко жамғариб, учинчи ўринда бормоқда.
