«Реал» жамоасида вазият тинчимаяпти — пайшанба куни Федерико Вальверде ва Орельен Тчуамени ўртасида содир бўлган муштлашувнинг янги тафсилотлари маълум бўлди. Аввалроқ, уругвайлик футболчи жароҳат туфайли шифохонага боргани хабар қилинганди.
Carrusel Deportivo нашрининг ёзишича, муштлашув пайтида Вальверде йиқилиб, кийиниш хонасининг марказида турган столга боши билан урилган. У айнан шу сабабли жиддий жароҳат олган.
Эслатиб ўтамиз, «Реал» клуби ушбу воқеа юзасидан аллақачон интизомий суриштирув бошлаган ва айбдор футболчиларни қаттиқ жазолаши аниқ.
