«Real» jamoasida vaziyat tinchimayapti — payshanba kuni Federiko Valverde va Orelyen Tchuameni o‘rtasida sodir bo‘lgan mushtlashuvning yangi tafsilotlari ma’lum bo‘ldi. Avvalroq, urugvaylik futbolchi jarohat tufayli shifoxonaga borgani xabar qilingandi.
Carrusel Deportivo nashrining yozishicha, mushtlashuv paytida Valverde yiqilib, kiyinish xonasining markazida turgan stolga boshi bilan urilgan. U aynan shu sababli jiddiy jarohat olgan.
Eslatib o‘tamiz, «Real» klubi ushbu voqea yuzasidan allaqachon intizomiy surishtiruv boshlagan va aybdor futbolchilarni qattiq jazolashi aniq.
