Мадриднинг «Реал» клуби икки футболчисининг ота-онаси фарзандлари етарли ўйин амалиётига эга бўлмаётганидан хавотир билдириб, бевосита клуб президенти Флорентино Пересга мурожаат қилишди. Бу ҳақда COPE нашрининг El Partidazo дастурида хабар берилди.
Қайд этилишича, ушбу воқеа оилаларнинг футболчиларга бўлган таъсирини, шунингдек, Мадрид клубидаги давом этаётган кескин муҳитни яна бир бор кўрсатиб бермоқда.
Аввалроқ, Мадриднинг «Реал» клуби ярим ҳимоячиси Федерико Вальверде жамоадоши Орельен Тчуамени билан муштлашиб кетганидан сўнг шифохонага тушиб қолгани хабар қилинган эди. Шунингдек, «қаймоқранглилар»нинг камида олти нафар футболчиси бош мураббий Альваро Арбелоа билан мулоқотни тўхтатгани, баъзилари эса бир-бири билан гаплашмаётгани ҳақида маълумотлар пайдо бўлганди.
