«Астон Вилла» ўз майдонида Европа Лигаси ярим финалининг жавоб учрашувида «Ноттингем Форест» устидан 4:0 ҳисобида йирик ғалабага эришди.
Мезбонлар сафида Жон Макгинн дубль қайд этди (77 ва 80-дақиқалар). Шунингдек, Олли Уоткинс (36-дақиқа) ва Эмилиано Буэндиа (57-дақиқада пенальтидан) ўз ҳисобларига биттадан гол ёздириб қўйишди.
Икки ўйин натижасига кўра (биринчи учрашув — 0:1) «Астон Вилла» зафар қучди ва Европа Лигаси финалига йўл олди. Финалда Бирмингем клуби «Фрайбург»га қарши баҳс олиб боради.













