«Барселона» марказий ҳимоячиси Пау Кубарси бўлажак «эль класико» ҳақидаги фикрлари билан ўртоқлашди. «Кўк-анорранглилар» якшанба куни ўз уйларида «қаймоқранглиларни» қабул қилишади.
«Биз босимни яхши енгяпмиз, ўзимизни хотиржам ҳис қиляпмиз. Нималарга қодирлигимизни биламиз ва титулни кафолатлаш учун бор кучимизни ишга соламиз. Ўз уйимиздаги «класико»да чемпионликни қўлга киритиш ажойиб бўларди. «Реал» ҳар доимгидек тенгма-тенг курашишга ҳаракат қилишини кутяпмиз. Томошабинлар қизиқарли ўйин гувоҳи бўлишади. Натижага эришиш учун ўзимизни яхши томондан кўрсатишимиз керак. Бор кучимизни берамиз», – деди Кубарси La Porteria нашрига берган интервьюсида.
Агар Ханс-Дитер Флик жамоаси мадридликлар билан баҳсда мағлуб бўлмаса, муддатидан олдин чемпионга айланади.
