Лондоннинг «Арсенал» клуби вингери Нони Мадуэке жамоадоши Букайо Сака ҳақида ўз фикрларини билдирди. «Челси»нинг собиқ футболчиси «канонирлар»нинг ҳужум ўнг қанотидаги рақобатчисини мақтаб, унинг юқори ўйин интеллектини алоҳида таъкидлади.
«Сака жуда ақлли. Шубҳасиз, у мен кўрган футболчилар ичида энг ақллиларидан бири. Майдонда у доим тўғри қарорлар қабул қилади ва бошқалар пайқамайдиган нарсаларни кўра олади», — дея Мадуэкенинг интервьюсидан иқтибос келтиради DailyAFC.
Букайо Саканинг Мадриднинг «Атлетико» дарвозасига урган голи (1:0) «Арсенал»ни Чемпионлар лигаси финалига олиб чиқди. Якшанба куни Микель Артета шогирдлари Премьер-лига доирасида сафарда «Вест Хэм»га қарши майдонга тушади.
