«Ан-Наср» ҳужумчиси Криштиану Роналдунинг ўғли фаолиятини яна Европада давом эттириши мумкин. The Sun нашрининг хабар беришича, кичик Роналдуга Лиссабоннинг «Спортинг» ва Дортмунднинг «Боруссия» клублари қизиқиш билдирмоқда.
Маълумотларга кўра, 15 ёшли футболчи фаолиятини Европа клубларида ривожлантириш истагида. У бунгача «Ювентус» ва «Манчестер Юнайтед»нинг ёшлар жамоаларида ўйнаб, катта тажриба тўплаган эди.
Аввалроқ, «Ан-Наср» раҳбарияти кичик Роналдуни келаси мавсумдан бошлаб асосий жамоа машғулотларига жалб этишни режалаштираётгани ҳақида хабарлар тарқалганди.
Эслатиб ўтамиз, 2010 йилнинг июнь ойида туғилган кичик Криштиану 2025 йилнинг октябрь ойида илк бор Португалиянинг 16 ёшгача бўлган терма жамоасига чақирилган эди.
