Англия Премьер-лигасининг 35-тури доирасида «Манчестер Сити» ўз майдонида «Брентфорд»ни қабул қилиб, 3:0 ҳисобида ғалаба қозондни.

Учрашувдаги барча голлар иккинчи бўлимда киритилди. Жереми Доку (60-дақиқа), Эрлинг Холанд (75) ва Омар Мармуш (90+2) томонидан киритилган тўплар мезбонларга муҳим уч очкони тақдим этди.

«Ўтган турда «Эвертон»га қарши баҳсда ғалабани қўлдан чиқарган эдик, лекин бу — футбол. Муваффақиятсизликдан сўнг тўғри хулоса чиқариб, муносабат билдириш жуда муҳим. Бугун Марк Гехи ва Натан Аке ўзларини жуда яхши кўрсатишди. Мен жамоам ўйинидан мамнунман», — дея бош мураббий Хосеп Гвардиоланинг сўзларини келтирмоқда City Report.

Ушбу ғалабадан сўнг «Манчестер Сити» 35 турдан кейин турнир жадвалида иккинчи ўринни эгаллаб турибди. Жамоа пешқадам «Арсенал»дан икки очкога ортда қолмоқда.