«Ливерпуль» клуби собиқ бош мураббийи Юрген Клопп ўзининг энг севимли суперқаҳрамонлари кимлигини маълум қилди. Айни дамда дам олаётган германиялик мутахассис ўз рейтингини ижтимоий тармоқдаги саҳифасида эълон қилган.
Клоппнинг рўйхатида биринчи ўринни Супермен эгаллаган бўлса, иккинчи поғонадан Бетмен жой олди. Кучли учликни эса Темир одам (Iron Man) якунлаб берган.
Маълумот учун, Юрген Клопп 2024 йилда «Ливерпуль»даги фаолиятини якунлаган эди. У инглиз клуби билан АПЛ, Англия Кубоги, Лига Кубоги, Англия Суперкубоги, Чемпионлар Лигаси ва УЕФА Суперкубогида зафар қучган. Шунингдек, мураббий Дортмунднинг «Боруссия» жамоаси билан Германия чемпиони бўлган ва ЕЧЛ финалига қадар етиб борган.
