Испания ОАВларида Винисиус Жуниорнинг Жозе Моуриньонинг «Реал»га келиши борасидаги фикрлари пайдо бўлди. Аввалроқ португалиялик мутахассиснинг мавсум якунида жамоани қабул қилиб олиши деярли ҳал бўлган масала эканлиги ҳақида хабарлар тарқалган эди.
El Chiringuito нашрининг хабар беришича, Винисиус Моуриньонинг келишини жуда ижобий қадам деб ҳисоблайди. Бразилиялик футболчининг фикрича, португалиялик мураббий қўл остида жамоа алоҳида бир юлдуз атрофида эмас, балки ягона бир куч сифатида ҳаракат қилади. Шунингдек, у айнан Моуриньо каби обрўли мураббий ҳозирги вақтда «Реал» кийиниш хонасидаги муҳитни тартибга солиш учун зарур деб ҳисобламоқда.
Ҳозирда «Реал»ни Альваро Арбелоа бошқармоқда, бироқ у мавсум якунлангач, ўз лавозимини тарк этади.
