«Бавария» президенти Карл-Хайнц Румменигге «Барселона» бош мураббийи Ханс-Дитер Фликнинг фаолияти ҳақида ўз фикрлари билан ўртоқлашди.
«Флик «Реал» билан рақобатда икки бор Ла Лигада зафар қучди ва шу билан бирга таркибни янгилай олди — бу улкан ютуқ. Башорат қиламанки, агар Ханси жамоада қолса, ушбу «Барселона» билан Чемпионлар Лигасида ҳам ғолиб чиқади», — дея функционернинг сўзларини келтирди BarçaTimes.
Флик 2024 йилнинг ёзида Хави Эрнандеснинг ўрнини эгаллаб, «Барселона» бошқарувини қўлга олган эди. Немис мутахассиси қўл остида «кўк-анорранглилар» икки бор Испания чемпиони бўлишди, шунингдек, мамлакат Кубоги ва икки марта Суперкубокни қўлга киритишди.
