«Вест Хэм» жамоаси ярим ҳимоячиси Матеуш Фернандеш учун анча баланд нарх белгилади. «Манчестер Юнайтед» 21 ёшли футболчини трансфер бозоридаги асосий мақсадларидан бири сифатида кўраётган бўлса-да, португалияликни сотиб олиш осон кечмайди.
Football Insider нашрининг хабарига кўра, «болғачилар» ўз ярим ҳимоячисининг сотувидан камида 84 миллион фунт стерлинг (тахминан 97 миллион евро) ишлаб олмоқчи. Қайд этилишича, ушбу трансфер ғоясини «қизил иблислар» сардори Бруну Фернандеш фаол қўллаб-қувватламоқда ва илгари сурмоқда.
«Вест Хэм» раҳбарияти, ҳатто жамоанинг Чемпионшипга тушиб кетиш хавфи юқори бўлишига қарамай, Матеуш Фернандешнинг нархи бўйича ён босиш ниятида эмас. Маълумот ўрнида, Transfermarkt мутахассислари айни дамда футболчининг бозор қийматини 35 миллион еврога баҳоламоқда.
