«Челси» ярим ҳимоячиси Андрей Сантос Англия кубоги финали доирасида «Манчестер Сити»га қарши бўлиб ўтадиган ўйин олдидан ўз фикрлари билан ўртоқлашди.

«Албатта, Англия кубогида зафар қучиш нафақат мен учун, балки «Челси»нинг барча футболчилари учун бир орзу. Биз аллақачон клублар ўртасидаги Жаҳон чемпионатида ғолиб чиқдик, баъзи ўйинчиларимиз эса Конференциялар лигасида ҳам зафар қучишган. «Челси» билан ғалаба қозониш қанчалик муҳимлигини яхши биласиз, аммо мақсадга эришиш учун қолган учта ўйинда ҳам қаттиқ меҳнат қилишимиз керак», — дейди Сантос.

Маълумот учун, Англия кубогининг финал учрашуви 17 май куни Лондондаги машҳур «Уэмбли» стадионида бўлиб ўтади. Ўйин Тошкент вақти билан соат 19:00 да бошланиши режалаштирилган.

Эслатиб ўтамиз, «лодонликлар» сўнгги бор 2017/18 йилги мавсумда «Манчестер Юнайтед»ни 1:0 ҳисобида мағлуб этиб, ушбу нуфузли совринга эга чиқишган эди.