«Болонья» ҳужумчиси Жонатан Роу илгари тўп тепган Англияга қайтиши мумкин. La Gazzetta dello Sport нашрининг хабарига кўра, 23 ёшли футболчининг трансферига «Челси» ва «Галатасарай» қизиқиш билдирмоқда.
Англия ва Туркия клублари скаутлари «Болонья»нинг «Наполи»га қарши сўнгги ўйинида бевосита иштирок этишди. Ушбу учрашувнинг 91-дақиқасида форвард ғалаба голини киритган эди.
Жонатан Роу 2025 йилда «Марсель»дан «Болонья»га 17 миллион евро эвазига ўтган. Унинг шартномаси 2029 йилнинг 30 июнигача амал қилади. Жорий мавсумда ҳужумчи италян клуби сафида барча турнирларда 41 та ўйинда майдонга тушиб, 8 та гол урди ва 4 та голли узатмани амалга оширди.
