Миланнинг «Интер» клуби ҳужумчиси Маркус Тюрам жамоа билан шартномасини узайтириши мумкин. Журналист Николо Скиранинг хабар беришича, «нерадзуррилар» француз футболчиси билан янги меҳнат келишуви бўйича музокаралар ўтказиш ниятида. Амалдаги шартнома икки йилдан сўнг ўз ниҳоясига етади.
Жорий мавсум давомида матбуотда 28 ёшли футболчининг жамоадан кетиши мумкинлиги ҳақида тез-тез хабарлар тарқалган эди. Маркус Тюрам Кристиан Киву бошчилигидаги жамоа сафида ушбу мавсумда 44 та ўйинда майдонга тушиб, 18 та гол урди ва 9 та голли узатмани амалга оширди.
«Transfermarkt» портали ҳужумчининг нархини 50 миллион еврога баҳоламоқда. Эслатиб ўтамиз, чоршанба куни футболчи миланликлар таркибида Италия Кубоги ғолибига айланди.
