Мадриднинг «Реал» клуби ҳужумчиси Килиан Мбаппе қўшимча дам олишга эҳтиёжи йўқлигини маълум қилди.
«Одамлар мени майдонда жуда кўп вақт ўтказаётганимни, дам олишим кераклигини айтгани ёдимда. Кейин эса биз «Альбасете»га ютқазиб, Испания Кубогини тарк этдик... Энди эса кўпчилик мени умуман ўйнашни хоҳламаяпти деб айтмоқда. Хўш, ҳақиқат қаерда? Бундай гапларни эшитиш менга ёқимсиз. Мен ҳар доим ўйнашни хоҳлайман», — дея 27 ёшли французнинг сўзларини келтиради Испания ОАВлари.
Чоршанба куни Мбаппе Ла Лига доирасидаги «Реал Овьедо»га қарши ўйиннинг (2:0) иккинчи бўлимида захирадан майдонга тушди. Учрашув якунида ҳужумчи Жуд Беллингемга голли узатма етказиб берди. Килиан тилга олган «Альбасете»га қарши ўйин шу йилнинг январь ойида бўлиб ўтган ва бу жамоанинг Альваро Арбелоа қўл остидаги илк учрашуви эди.
