"Барселона" марказий ҳимоячиси Рональд Араухо жамоани тарк этишдан манфаатдор эмас. Уругвайлик футболчи "кўк-анорранглилар"нинг асосий таркибидаги жойини йўқотди, бироқ келажакда Ханс-Дитер Фликни ўз қобилиятига ишонтира олишига ҳамон ишоняпти.
Mundo Deportivo нашри маълумотларига кўра, 27 ёшли футболчи ҳеч қаерга кетишни истамаяпти — у кейинги мавсумда клубда қолишини аниқ билдирган. Рональд Араухонинг "Барселона" билан шартномаси 2031 йилнинг ўрталарига қадар мўлжалланган.
Жорий мавсумда Каталония гранди сардори 36 та ўйинда иштирок этиб, рақиблар дарвозасига тўртта гол урди. Аввалроқ "Барса" ўйинчини сотишга тайёрлиги ҳақида миш-мишлар тарқалган эди.
