Бугун, 15 май куни Англия Премьер-лигасининг 37-тури доирасида марказий учрашувлардан бири бўлиб ўтади. Унда «Астон Вилла» ўз майдонида «Ливерпуль» клубини қабул қилади. Учрашув Тошкент вақти билан соат 00:00 да (шанбага ўтар кечаси) бошланиши режалаштирилган.
Футбол экспертлари бўлажак қизиқарли баҳс олдидан икки жамоанинг имкониятларини чамалаб чиқишди. Прогнозларга кўра, ушбу ўйинда меҳмонлар — «Ливерпуль»нинг ғалаба қозониш имконияти юқорироқ баҳоланмоқда — 38,7%. Мезбонлар бўлмиш «Астон Вилла»нинг муваффақияти эса 33,9% ни ташкил этмоқда. Ўйинда дуранг қайд этилиши эҳтимоли 27,4% га тенг.
Эслатиб ўтамиз, ушбу жамоалар ўртасидаги сўнгги тўқнашув 2025 йилнинг 1 ноябрь куни бўлиб ўтган ва унда мерсисайдликлар 2:0 ҳисобида ишончли ғалабани қўлга киритишган эди.
