Италиянинг «Милан» клуби собиқ футболчиси Кафу Лука Модричнинг жароҳатига қарамай, тезроқ майдонга қайтишга бўлган иштиёқи ва интилишидан ҳайратда қолганини билдирди. Унинг фикрича, бундай тутиш бутун жамоа учун ўрнак бўла олади.
«Ҳар қандай ҳолатда ҳам жамоасига ёрдам беришга интиладиган атлет — ҳамма учун намунадир. Биласизми, агар менда имконият бўлганида, Модрични ҳатто жароҳатланган ҳолатда ҳам майдонга туширган бўлардим. У — ҳақиқий етакчи ва чемпион», — дея Кафунинг сўзларини келтиради pianetamilan.it нашри.
Эслатиб ўтамиз, бразилиялик собиқ ҳимоячи 2003 йилдан 2008 йилгача «Милан» шарафини ҳимоя қилган.
