«Милан» эгаси ва RedBird Capital Partners асосчиси Жерри Кардинале клубнинг Европадаги NBA лойиҳасининг бир қисмига айланиш истаги ҳақида гапириб берди.
«NBA, эҳтимол, АҚШдан чиққан ягона чинакам халқаро спорт тури ҳисобланади. Майкл Жордан, Мэджик Жонсон ва Ларри Бёрд иштирокидаги «Орзулар жамоаси» даврлари ўтди. Сиз буни Олимпиадада кўрдингиз, NBA’нинг сўнгги йиллардаги кўплаб энг яхши ўйинчилари (MVP) Европадан келганлигида кўрдингиз. Европа баскетболда ҳақиқий кучга айланди ва Америка ҳамда Европа ўртасида ҳамкорлик қилиш учун улкан имконият мавжуд.
Евролига 26 йилдан бери мавжуд ва жамоаларнинг аксарияти фойда келтирмайди. Бу барқарор эмас. Шунинг учун, менимча, Европа футбол клублари NBA билан ҳамкорлик қилиши ва NBA баскетболини Европага олиб келиши керак. Мен Миланда айнан шуни амалга оширишга ҳаракат қиламан.
Биз «Милан» брендини ривожлантиришда давом этишимиз, мухлислар базасига имкониятлар таклиф қилишимиз ва молиявий профилни яхшилашимиз лозим. Буларнинг барчаси ҳамма бир-биридан фойда кўриши керак бўлган экотизимнинг бир қисмидир», — дея Кардиналенинг сўзларидан иқтибос келтирмоқда La Gazzetta dello Sport нашри.
